SHIKWA

SHIKWA
Me tum se keh du baat aesi sawal aesa jawab aesa
Dil me khatkay munh ko toray shikayaton ka selab aesa
Mujh ko mujh se chura k tum ne beech rastay chor dala
Jazb karta tha mujh ko tum me wo hi rishta tor dala
Gard gaisu nam nigahain sard saansain behki baatain
Tumhari ulfat me hum ne paain siskion se mehakti raatain
Kash tum ko ilm hota kya tha me ye soch lete
Yakin mano apnay hathon se apni zulfain daboch late

By: Fraaz Mahmud

Fraaz Mahmud's first book on poetry....

Its the title page..

Just look at it..

Its a khayal.... hidden in a Kahani...

Intezaar....

Intezar…

Us ki bolti aankhon ne mujh se kaha tha.
Yunhi chup chaap mera intzaar karna.
Me chup chaap bola…..
Or…….
Us ki baazubaan aankhon ko
bezubaan kar dia….
Ye samjha dia keh……
Me to idhar hi hu……
Kahin nahin jaaoon ga….
Jab bhi bulaao gi
Urta chala jaaoon ga…..
Lekin…..
Ek baat kahun?????
Thora khayal rakhna…..
Bhool mat jana…..
Aesa na ho k me yunhi
Intzaar me gum….
Or TUM!!!!!
Lapata….
Thora khayal karna….
Bhool mat jana….
ME….
Intzaar me hu…….
By:
Fraaz Mahmud fraaz

Jawaab Aankhain

Jawaab Aankhain

Mere saamnay tum ne jo sawaal rakhay thay.
Hasraton me doobay se jo khayal rakhay thay.
Me ne un sawaalon k kuch jawaab sochay thay.
Benawa muhabbat k kuch adaab sochay thay.
Beqarar mosam me kuch khushi se phool kar.
Mehwe intazaar theen tum magar ye bhool kar.
Har jawaab lofzon par mushtamil nahin hota.
Baazubaan honton par muntakil nahin hota.
Meri chup ko tum ne inkaar jaan kar.
Mukhtasar se wakfay ko imtehaan maan kar.
Apna haath haaton se kyun chura dia tum ne?
Umeed k parinday ko kyun urha dia tum ne?
Tum ne meri aankhon me ik nazar nahin dekha.
Beshumar chahat ka wo asar nahin dekha.
Aaj bhi in aankhon me ik tehreer baqi he.
Yaadon k zakheeray ki ik nazeer baqi he.
By:
Fraaz Mahmud fraaz

Harf-e-iltamaas

Harfe-e-iltamaas

Dard me mamdard koi paas hona chahiey.
Dor-e-ajnabi me hamshnaas hona chahiey.
Rooth janay waalon se roothna nahin hota.
Aesay me ik harf-e-iltamaas hona chahiey.
Aam baatain karnay ko aam log hotay hain.
Unwaan khaas baton ka khaas hona chahiey.
Zindgi hamesha hi roshni nahin deti.
Taareek raaston se rooshnaas hona chahiey.
Safar me thakaan aik laazmi sa ansar he.
Faaslay mitanay ko mehw-e-aas hona chahiey.
Khud pasand ho kar hum napasand rehtay hain.
Ird gird logon ka ehsaas hona chahiey.
By:
Fraaz Mahmud fraaz

me kahan gya??

me kahan gya??

baalon ko dbochay, berang sa ho k...
halaat k mehwar me kuch dang sa ho k...
jhuki nigah se kuch farsh pe tehreer kiey jata hu...
darakhshaan dil k un jazbon ko tankeer kiey jata hu...
is soch me betha hu k kyun sochna para??
tha jaanib-e-manzil kyun khud ko rokna para??
bekhof chahtain thin, wo anmol saa atain...
belaag se shikway thay, wo bemol rahtain...
sb kuch hawa k rukh pe yun tabdeel ho gya...
keh ik belos ishq hi tehleel ho gya...
makaan-o-dar me eent wohi takht wohi he...
kha bikhar sa gya he magar rakht wohi he...
ab ik khayal zehan se yu takra k reh gya...
thi baat kuch aesi keh me ghabra k reh gya...
soojha tha ye sawal keh me kahaan gya???
shayad jahaan pe tu gya, me wahan gya.......
by:
Fraaz Mahmud

Bdal raha sa mosam....

Bdal raha sa mosam....

ye bdal raha sa mosam,
sargoshiaan karay he...
sargoshion me chupti,
kuch siskiaan bharay he...
ye kahay he... SUN O pagal!!
meri sabaat-e-fitrat,
me azal se he ye likha...
keh....
sabaat meri fitrat me,
kuch bhi to nahin he...
mera ang aik kis jaa,
or doosra kahin he...
me aesa hu musafir,
keh jis ki koi manzil,
na he na ho sakay gi....
bekhaab zulmaton me,
he aesi neend paai,
jo na to so saki he,
or na hi so sakay gi...
ye bdal raha sa mosam,
kuch or bhi kahay he...
me hu to ik musafir,
is safr-e-bekaraan me...
manzil ko me na jaanu,
par raasta wohi he...
ab keh raha hu tum se,
woh jo baat ankahi he...
ME TO HU AIK MOSAM.....
badal badal bhi jaaon,
rehta wohi wohi hu...
guzrun jahaan jahaan se,
aata wahin wahin hu...
magar!!
A nadaan panchi!!!
itna na urh k us ko,
tu daikh hi na paaey....
wo shakhs jo najaanay,
meri tarha se bebas,
yun bdal sa hi raha he...
us shakhs ko bula lo,
usay rok k bitha lo...
bitha k paas apnay,
sb harf harf keh do...
usay keh do.. O.. diwanay..
ye kahan ka he irada?
kesa janoon sar per?
usay keh do k ye mosam,
bdlay to phir wohi he...
per tum agar jo bdlay,
lo zindgi gai he...
us ko na jaanay dena,
usay rok k bitha lo,
do chaar aankh aansu,
girtay hain to gira do...
us shakhs ko bula lo...
sb harf harf keh do...
usay haal-e-dil suna do...

by:

Fraaz Mahmud fraaz