| Chashm-e-nam se sawal he ye.
Dil me chubhta khayal he ye.
Tere halqay me pheli laali.
Sabz patton me surkh daali.
Kab se aai, kese paai?
Tujh me aa kar kyun samaai?
Gila kisi se, shikayat koi?
Ya kisi ki inayat koi?
Hukam le kar dard-o-gham se.
Lakeer tapki chashm-e-nam se.
Hui mukhateb kuch is tarha se.
Khushk sawan ho jis tarha se.
Arsa guzra saath hain jab se.
Hum ne jana us k lab se.
Qarar kya he, pyaar kya he?
Lamha lamha nikhar kya he?
Us ki aankhon me aqs daikha.
Apni sochon ka raqs daikha.
Us ki baaton ne mujh ko mana.
Meri hasti kya he jana.
Aaj yunhi baat us ne aesi keh d.
Kehtay kehtay chashm-e-nam phir se beh d.
by:
Fraaz Mahmud fraaz |
No comments:
Post a Comment