MERI BAAT MAANO GI????

MERI BAAT MAANO GI????

Zair-e-lab jo baatain hain... Ankahi soghaatain hain... Meri baat maano gi?? Aaj in soghaaton ko, Zair-e-lab hi rehnay do. Benawa sadaaen jo, Tum me uthti rehti hain... Uth k baarha tum me, Tum ko baandh rakhti hain... Ye sadaaen hi kab hain?? Lapata hawaaen hain. Meri baat maano gi?? Aaj in hawaaon ko, Lapata hi rehnay do. Ulfaton k rastay me, Hum ne zaat badli thi. Me tumhara hissa tha or Tum bhi mujh me shamil thin. Zaat k badalnay se, Hum to phir bhi tanhaa hain. Ab me tum se kehta hu..... Meri baat maano gi?? TUM KO TUM ME REHNAY DO... MUJH KO MUJH ME REHNAY DO... Zair-e-lab jo baatain hain... Ankahi soghaatain hain... Meri baat maano gi?? Aaj in soghaaton ko Zair-e-lab hi rehnay do... by: Fraaz Mahmud fraaz