MERA DIL OR… TUM…

Mere dil jab bhi tum ko yaad karta he.

Tumhari besabab baton se khud ko shaad karta he.

Ye sargarmi jo wo aksar yunhi anjaam deta he.

Tumhari dilruba har ik ada ko naam deta he.

Mera dil mujh se kehta he keh wo to hoor lagti he.

Bara ithla k chalti he bohat maghroor lagti he.

Ghazal us ki ye baatain hain, lehja saaz he us ka.

Me jis ko inteha samjha tha wo aaghaz he us ka.

Wo rang he wo roop he.

Wo sardion ki dhoop he.

Titli se nazuk gaal hain.

Resham se lambay baal hain.

Chanchal c us ki chaal he.

Kya bekhudi kya haal he.

Badaami rang he us ka.

Anokha dhang he us ka.

Wo jab saj dhaj k aati he.

Qayamat aa hi jati he.

Subh se shaam mera dil yahi bas kaam karta he.

Ye lafzon se saji maala tumharay naam karta he.

By:

Fraaz Mahmud fraaz