| Dopehar ka daaman khaincho bhi,
isay shaam ki or na barhnay do.
Jazbaat ko phoonko shiddat se,
inhain maand na bilkul parnay do.
Is waqt ki chaar diwari me,
yaadain hain puraanay lamhon ki.
Lamhon ka kya wo lamhay hain,
yaadon ko taabinda karnay do.
Ik muddat se me betha hu,
ahwaal mere batlatay hain.
Meri soch se pehray wapis lo,
mujhe khul k aaj bikharnay do.
Khamosh ho kyun kuch bolo bhi,
hu tum se mukhatib me shayad.
Jo dar he tumharay seenay me,
isay sisak sisak k marnay do.
Alfaaz ka ik majmuaa he,
par dil ka bhi afsaana he.
Na roko mujhe na jhatko bhi,
tumhain paish zara ye karnay do.
DOPEHAR KA DAMAN KHAINCHO BHI,
ISAY SHAAM KI OR NA BARHNAY DO.
by:
Fraaz Mahmud fraaz |
No comments:
Post a Comment